जाता जाता...

आपली आर्थिक साक्षरता वृद्धिंगत करण्यासाठी/ पडताळण्यासाठी पुढील चेकलिस्ट देत आहे. ती स्वतःसाठी पडताळून पहा आणि त्यातील संदर्भांची माहिती करून घ्या!

• मला सर्वसामान्यांसाठी सरकार पुरस्कृत ज्या विविध आर्थिक योजना आहेत त्यांची पूर्ण माहिती आहे का?
• मी आर्थिक सर्व-समावेशकतेसाठी सरकार तर्फे जाहीर करण्यात आलेल्या उपयुक्त आर्थिक योजनांमध्ये सहभागी आहे का ? (उदा. पंतप्रधान जीवन सुरक्षा , जीवन ज्योती योजना इ.)
• मला नामांकनाची संकल्पना, तिचे महत्व माहीत आहे का? माझ्या सर्व बचत / गुंतवणुक खात्यांना नामांकन केलेले आहे का?
• माझे पॅन कार्ड, आधार कार्ड यावरील माहिती अचूक आणि अद्ययावत आहे का?
• मला सोप्या आर्थिक संकल्पना आणि त्यांचे फायदे/ तोटे माहिती आहेत का? (उदा. इन्फ्लेशन/महागाई आणि त्याचे परिणाम, आर्थिक गुंतवणुकीचे विविध पर्याय जसे म्युचुअल फंड्स, इ).
• मला विम्याचे महत्व, प्रकार, फायदे ठाऊक आहेत का? माझ्या सर्व कुटुंबियासाठी अशा उपाययोजना केलेल्या आहेत किवा नाही याची मला माहिती आहे का ? (उदा. जीवन / आरोग्य / अपघात विमा इ).
• मला माझ्या घरातील सर्व आर्थिक गुंतवणुकीचा लेखा-जोखा ज्ञात आहे का? त्यासाठी घरातील सर्व आर्थिक व्यवहारांची, निर्णयांची नोंद मी ठेवते / ठेवतो का ?
• मी वर्तमानपत्रातील आर्थिक-क्षेत्रातील बातम्या, पुरवणी वाचते / वाचतो का? आर्थिक-क्षेत्राशी निगडीत पुस्तके, ब्लॉग, कार्यक्रम यांचा वापर, मी माझ्या ज्ञानवृद्धी साठी करते / करतो का?

  करा विचार, करा अंमल ! जागवा स्वतःचे, समाजाचे, देशाचे अर्थभान !!
  

  फौंडेशनच्या आर्थिक साक्षरता अभियानात सहभागी होण्यासाठी तुम्हीही पुढीलप्रमाणे योगदान देऊ शकता: तुमच्या कार्यालयात/महाविद्यलयात/ शाळेत/ परिसरात विविध उपक्रम चालविणारा "अर्थ साक्षरता क्लब " याची स्थापना / "आर्थिक साक्षरता" या विषयावर व्याख्यान/परिसंवाद यांचे आयोजन करणे.
  
  अधिक माहिती: डॉ. रुपाली कुलकर्णी, ९०११८९६६८१ / alparambha@gmail.com
  
  IPS अधिकारी आणि महाराष्ट्र पोलीस दलातील उच्चधिकारी श्री. विश्वास नांगरे पाटील, यांचा 'सायबर गुन्हेगारी आणि बचाव' या संदर्भातील माहितीपूर्ण विडिओ पाहण्यासाठी इथे क्लिक करा.

  क्षणचित्रे